ತಪಸ್ ವ್ಯಾಮ್ ಎಸ್‌ಪಿ ಅಧಿಕ ಸಾಂದ್ರತೆಯ ಜೈವಿಕ ಗೊಬ್ಬರ - ಹೆಚ್ಚಿನ ಬೇರುಗಳು/ಪೋಷಕಾಂಶಗಳ ಹೀರಿಕೊಳ್ಳುವಿಕೆಗಾಗಿ - ಮೈಕೋರೈಜಾ ಶಿಲೀಂಧ್ರಗಳು (ಐಪಿಎಂ ಸೂಕ್ತ)

ತಪಸ್ ವ್ಯಾಮ್ ಎಸ್‌ಪಿ ಜೈವಿಕ ಗೊಬ್ಬರ ಕುರಿತು

ತಪಸ್ ವ್ಯಾಮ್ ಎಸ್‌ಪಿ ಒಂದು ಜೈವಿಕ ಗೊಬ್ಬರವಾಗಿದ್ದು, ಇದರಲ್ಲಿ ವೆಸಿಕ್ಯುಲರ್ ಆರ್ಬಸ್ಕ್ಯುಲರ್ ಮೈಕೊರೈಜಾ (ವ್ಯಾಮ್) ಎಂಬ ಉಪಯುಕ್ತ ಶಿಲೀಂಧ್ರವಿದೆ. ಇದು ಸಸ್ಯಗಳಿಗೆ ನೀರು ಮತ್ತು ಪೋಷಕಾಂಶ ಹೀರಿಕೊಳ್ಳುವಿಕೆ ಮತ್ತು ಒತ್ತಡದ ಪರಿಸ್ಥಿತಿಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ.

ವ್ಯಾಮ್ ಎಸ್‌ಪಿ ಈ ಕೆಳಗಿನವುಗಳಲ್ಲಿ ಸಹಾಯ ಮಾಡುತ್ತದೆ:

* ಬಲವಾದ ಬೇರು ವ್ಯವಸ್ಥೆ, ವಿಶೇಷವಾಗಿ ಅಧಿಕ ಸಂಖ್ಯೆಯಲ್ಲಿ ಬಿಳಿ ಬೇರುಗಳ ನಿರ್ಮಾಣಕ್ಕೆ ಸಹಕಾರ ನೀಡುತ್ತದೆ

* ನೀರು ಮತ್ತು ಪೋಷಕಾಂಶಗಳ ಹೀರಿಕೊಳ್ಳುವಿಕೆ, ವಿಶೇಷವಾಗಿ ಫಾಸ್ಫರಸ್ (ರಂಜಕ) ಹೀರಿಕೊಳ್ಳುವಿಕೆಯಲ್ಲಿ ಸಹಾಯ ಮಾಡುತ್ತದೆ

* ಜೈವಿಕ ಮತ್ತು ಅಜೈವಿಕ ಒತ್ತಡಗಳನ್ನು ಎದುರಿಸಲು ಸಹಾಯ ಮಾಡುತ್ತದೆ

* ಮಣ್ಣಿನಿಂದ ಸಸ್ಯಕ್ಕೆ ಖನಿಜ ಪೋಷಕಾಂಶ ಮತ್ತು ನೀರಿನ ಪರಿಣಾಮಕಾರಿ ಸಾಗಣೆಗೆ ನೆರವು ನೀಡಿ ಬೆಳವಣಿಗೆ ಹೆಚ್ಚಿಸುತ್ತದೆ

* ಬೇರು ಹಾಗೂ ಸಸ್ಯದ ಒಟ್ಟಾರೆ ಬೆಳವಣಿಗೆಗೆ ಉತ್ತೇಜನ ನೀಡಿ ಉತ್ಪಾದನೆ ಹೆಚ್ಚಿಸುತ್ತದೆ

* ಮಣ್ಣಿನ ಕಣಗಳನ್ನು ಒಗ್ಗೂಡಿಸಿ ನೀರು ಹಿಡಿದಿಡುವ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ

* ಮಣ್ಣಿನ ಕಣಗಳನ್ನು ಬಿಗಿಯಾಗಿ ಬಂಧಿಸಿ ಮಣ್ಣಿನ ಗುಣಮಟ್ಟವನ್ನು ಸುಧಾರಿಸುತ್ತದೆ

ತಪಸ್ ವ್ಯಾಮ್ ಎಸ್‌ಪಿ ತಾಂತ್ರಿಕ ಸಂಯೋಜನೆ:

ವ್ಯಾಮ್ ಎಸ್‌ಪಿ ನಲ್ಲಿ ಪ್ರತಿ ಗ್ರಾಂಗೆ 125 ಸಜೀವ ಬೀಜಕಗಳಿವೆ. ಇದರ ಸೋಂಕು ಸಾಮರ್ಥ್ಯ 1200 IP/g ಆಗಿದೆ. ಈ ಉತ್ಪನ್ನವು ಮೈಕೊರೈಜಾ ಜೈವಿಕ ಗೊಬ್ಬರಗಳಿಗೆ ನಿರ್ದಿಷ್ಟಪಡಿಸಿದ FCO 1985 ಮಾನದಂಡಗಳಿಗೆ ಅನುಗುಣವಾಗಿದೆ.

ಕ್ರಿಯಾ ವಿಧಾನ:

ವೆಸಿಕ್ಯುಲರ್ ಆರ್ಬಸ್ಕ್ಯುಲರ್ ಮೈಕೊರೈಜಾ (ವ್ಯಾಮ್ ) ಸಸ್ಯದ ಬೇರುಗಳಲ್ಲಿ ನೆಲೆಸಿ ಅವುಗಳೊಂದಿಗೆ ಸಹಜೀವಿ ಸಂಬಂಧವನ್ನು ನಿರ್ಮಿಸುತ್ತದೆ. ಸಸ್ಯದಿಂದ ಕಾರ್ಬೊಹೈಡ್ರೇಟ್‌ಗಳನ್ನು ಪಡೆದು ಸಸ್ಯಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಪೂರೈಸುತ್ತದೆ. ಈ ಶಿಲೀಂಧ್ರವು ಮಣ್ಣಿನ ಒಳಗೆ ಇನ್ನಷ್ಟು ವ್ಯಾಪಿಸಿಕೊಂಡು ಬೇರುಗಳ ವ್ಯಾಪ್ತಿಯನ್ನು ವಿಸ್ತರಿಸಿ, ವಿವಿಧ ಪೋಷಕಾಂಶಗಳನ್ನು ಪರಿಣಾಮಕಾರಿಯಾಗಿ ಶೋಷಿಸಲು ಸಹಾಯ ಮಾಡುತ್ತದೆ.

ತಪಸ್ ವ್ಯಾಮ್ ಎಸ್‌ಪಿ ಬಳಕೆಯ ಪ್ರಮಾಣ & ವಿಧಾನ

ಶಿಫಾರಿತ ಬೆಳೆಗಳು ಮತ್ತು ಪ್ರಮಾಣ:

ಎಲ್ಲಾ ಕೃಷಿ ಹಾಗೂ ತೋಟಗಾರಿಕೆ ಬೆಳೆಗಳು, ಹುಲ್ಲುಗಾಸುಗಳು ಮತ್ತು ಬಹುವಾರ್ಷಿಕ ಮರಗಳಿಗೆ ಶಿಫಾರಸು ಮಾಡಲಾಗಿದೆ. ಈ ಉತ್ಪನ್ನವನ್ನು ಎರೆಹುಳು ಗೊಬ್ಬರ, ಎಣ್ಣೆ ಹಿಂಡಿಗಳು, ಕೊಟ್ಟಿಗೆ ಗೊಬ್ಬರ ಮುಂತಾದ ಯಾವುದೇ ಜೈವಿಕ ಗೊಬ್ಬರಗಳೊಂದಿಗೆ ಬೆರೆಸಿ ಬಳಕೆ ಮಾಡಬಹುದು.

ಬಳಕೆ ವಿಧಾನ:

ಮಣ್ಣಿನ ಮೂಲಕ (ಎಸೆಯುವುದು ಅಥವಾ ಬೇರು ಪ್ರದೇಶದ ಬಳಿ ಹಾಕುವುದು), ಬೀಜೋಪಚಾರ, ಸಸಿಗಳ ಬೇರುಗಳನ್ನು ದ್ರಾವಣದಲ್ಲಿ ಅದ್ದುವುದು, ಗಿಡಗವ್ ಬುಡಕ್ಕೆ ದ್ರಾವಣದಿಂದ ಉಪಚಾರ ಹಾಗೂ ಹನಿ ನೀರಾವರಿ ಮೂಲಕ.

ವ್ಯಾಮ್ ಎಸ್‌ಪಿ ಜೈವಿಕ ಗೊಬ್ಬರ ಹೊಂದಾಣಿಕೆ :

ತಪಸ್ ವ್ಯಾಮ್ ಎಸ್‌ಪಿ ಅನ್ನು ಇತರೆ ಗೊಬ್ಬರಗಳು, ಶಿಲೀಂಧ್ರನಾಶಕಗಳ ಜೊತೆ ಮಿಶ್ರಣ ಮಾಡುವುದು ಅಥವಾ ನೀರು ನಿಂತಿರುವ ಜಾಗದಲ್ಲಿ ಬಳಸುವುದು ನಿರೀಕ್ಷಿತ ಫಲಿತಾಂಶಗಳನ್ನು ನೀಡದೇ ಇರಬಹುದು. ಆದ್ದರಿಂದ, ಇದನ್ನು ಪ್ರತ್ಯೇಕವಾಗಿ ಬಳಸುವುದನ್ನು ಶಿಫಾರಸು ಮಾಡಲಾಗಿದೆ.

ವ್ಯಾಮ್ ಎಸ್‌ಪಿ ಪ್ರಯೋಜನಗಳು:

* ಮಣ್ಣಿನ ಆಳಕ್ಕೆ ಪ್ರವೇಶಿಸಿ ಫಾಸ್ಫರಸ್ (ರಂಜಕ), ಸಲ್ಫರ್ (ಗಂಧಕ), ಕ್ಯಾಲ್ಸಿಯಂ ಮತ್ತು ಜಿಂಕ್ (ಸತು) ಮುಂತಾದ ಪೋಷಕಾಂಶಗಳನ್ನು ಸಸ್ಯಗಳಿಗೆ ಲಭ್ಯವಾಗುವಂತೆ ಮಾಡುತ್ತದೆ

* ಫಾಸ್ಫರಸ್ (ರಂಜಕ) ಅವಶ್ಯಕತೆಯನ್ನು 25–30% ರಷ್ಟು ಕಡಿಮೆ ಮಾಡುತ್ತದೆ

* ಮಣ್ಣಿನಲ್ಲಿ ಇರುವ ಫಾಸ್ಫರಸ್ (ರಂಜಕ) ಅನ್ನು ಸಸ್ಯಗಳು ಹೆಚ್ಚು ಪರಿಣಾಮಕಾರಿಯಾಗಿ (30–80% ಹೆಚ್ಚಾಗಿ) ಶೋಷಿಸಲು ಸಹಾಯ ಮಾಡುತ್ತದೆ

* ಪೋಷಕಾಂಶ ಭರಿತ ಸಸ್ಯಗಳಿಂದ ಪೋಷಕಾಂಶಗಳನ್ನು ಸಾಗಿಸಿ ಅಗತ್ಯವಿರುವ ಸಸ್ಯಗಳಿಗೆ ಒದಗಿಸುವ ಮೂಲಕ ಏಕರೂಪ ಬೆಳವಣಿಗೆ ಮತ್ತು ಸಮತೋಲಿತ ಪೋಷಣೆಯನ್ನು ಉತ್ತೇಜಿಸುತ್ತದೆ.

* ಮಣ್ಣಿನ ಸೂಕ್ಷ್ಮಜೀವಿ ಚಟುವಟಿಕೆಯನ್ನು ಹೆಚ್ಚಿಸಿ ಸಾವಯವ ಪದಾರ್ಥದ ಪ್ರಮಾಣವನ್ನು ಹೆಚ್ಚಿಸುತ್ತದೆ

* ರೋಗಗಳ ವಿರುದ್ಧ ನೈಸರ್ಗಿಕ ರಕ್ಷಣೆಯನ್ನು ಒದಗಿಸಿ, ಮಣ್ಣಿನ ಮೂಲಕ ಹರಡುವ ಸೊರಗು ರೋಗಗಳಿಂದ ರಕ್ಷಣೆ ನೀಡುತ್ತದೆ.

* ನೀರಿನ ಬಳಕೆಯ ದಕ್ಷತೆಯನ್ನು ಹೆಚ್ಚಿಸಿ ನೀರಾವರಿ ಅಗತ್ಯವನ್ನು ಕಡಿಮೆ ಮಾಡುತ್ತದೆ

* ಬಲವಾದ ಸಸ್ಯ ಬೆಳವಣಿಗೆಗೆ ಉತ್ತೇಜನ ನೀಡಿ, ಬೀಜ ಮೊಳಕೆ, ಹಾರ್ಮೋನ್ ಉತ್ಪಾದನೆ ಮತ್ತು ದ್ಯುತಿ ಸಂಶ್ಲೇಷಣೆಗೆ ಸಹಾಯ ಮಾಡುತ್ತದೆ. ಇದರಿಂದ ಆರೋಗ್ಯಕರ ಮತ್ತು ರೋಗನಿರೋಧಕತೆಯುಳ್ಳ ಸಸ್ಯಗಳು ಬೆಳೆಯುತ್ತವೆ.

* ಉತ್ತಮ ಬೇರು ವ್ಯವಸ್ಥೆ, ಪೋಷಕಾಂಶ ದಕ್ಷತೆ ಮತ್ತು ಸಸ್ಯ ಆರೋಗ್ಯದ ಮೂಲಕ ಒಟ್ಟು ಉತ್ಪಾದನೆಯನ್ನು ಹೆಚ್ಚಿಸುತ್ತದೆ

ವ್ಯಾಮ್ ಎಸ್‌ಪಿ ಜೈವಿಕ ಗೊಬ್ಬರವನ್ನು ಬಳಸುವ ವಿಧಾನ:

ಕೆಳಗಿನ ಬಳಕೆ ವಿಧಾನಗಳನ್ನು ಪರಿಸ್ಥಿತಿಗೆ ಅನುಗುಣವಾಗಿ ಬಳಸಬಹುದು. ಆದರೆ, ಬೆಳೆಗಳ ಆರಂಭಿಕ ಹಂತದಲ್ಲೇ ಬಳಸುವುದು ಉತ್ತಮ.

ಹಂತ 1: ತಪಸ್ ವ್ಯಾಮ್ ಎಸ್‌ಪಿ ಪ್ಯಾಕೆಟ್ ಅನ್ನು ಜಾಗ್ರತೆಯಿಂದ ತೆರೆಯಿರಿ.

ಹಂತ 2: ಬೆಳೆ ಬೆಳವಣಿಗೆಯ ಹಂತಕ್ಕೆ ಅನುಗುಣವಾಗಿ ಶಿಫಾರಿತ ಪ್ರಮಾಣವನ್ನು ಬಳಸಿ:

• ಭೂಮಿ ಸಿದ್ಧತೆ ಸಮಯ: 100–200 gm ವ್ಯಾಮ್ ಎಸ್‌ಪಿ ಅನ್ನು 50–100 kg ಕೊಟ್ಟಿಗೆ ಗೊಬ್ಬರ/ಕಾಂಪೋಸ್ಟ್ ಜೊತೆ ಮಿಶ್ರಣ ಮಾಡಿ ಎರಚುವ ಮೂಲಕ ಮಣ್ಣಿನಲ್ಲಿ ಬೆರೆಸಿ.
• ಆರಂಭಿಕ ಸಸ್ಯ ಬೆಳವಣಿಗೆ ಹಂತ (ಈ ಮೊದಲು ಬಳಸದಿದ್ದಲ್ಲಿ): 100 gm ವ್ಯಾಮ್ ಎಸ್‌ಪಿ ಅನ್ನು 150–200 ಲೀ. ನೀರಿಗೆ ಬೆರೆಸಿ ನಾಟಿ ಮಾಡಿದ 10–20 ದಿನಗಳ ನಂತರ ಬೇರುಗಳ ಬಳಿ ಹಾಕಿ. ಬಿತ್ತನೆ/ನಾಟಿಯ 50–60 ದಿನಗಳ ನಂತರ ಮಾಡಿ ಮರುಬಳಕೆ ಮಾಡಿ.
• ಮಣ್ಣಿನ ಮೂಲಕ (ಯಾವುದೇ ಹಂತದಲ್ಲಿ): ಭೂಮಿ ಸಿದ್ಧತೆ ಅಥವಾ ಆರಂಭಿಕ ಹಂತದಲ್ಲಿ ಬಳಸದಿದ್ದಲ್ಲಿ, 100–200 gm ವ್ಯಾಮ್ ಎಸ್‌ಪಿ ಅನ್ನು 50–100 kg ಕಾಂಪೋಸ್ಟ್ ಜೊತೆ ಮಿಶ್ರಣ ಮಾಡಿ ಬೆಳೆದಿರುವ ಬೆಳೆಗಳ ಬೇರು ಭಾಗದ ಬಳಿ ಯಾವ ಹಂತದಲ್ಲಾದರೂ ಹಾಕಬಹುದು.
• ಬೀಜೋಪಚಾರ: 10 gm ವ್ಯಾಮ್ ಎಸ್‌ಪಿ ಅನ್ನು ಅಗತ್ಯ ಪ್ರಮಾಣದ ನೀರಲ್ಲಿ ಕರಗಿಸಿ 1 kg ಬೀಜಕ್ಕೆ ಲೇಪಿಸಬೇಕು. ಲೇಪಿಸಿದ ಬೀಜಗಳನ್ನು ನೆರಳಿನಲ್ಲಿ ಒಣಗಿಸಿ ನಂತರ ಬಿತ್ತನೆ ಮಾಡಬೇಕು.
• ಡ್ರೆಂಚಿಂಗ್ (ಗಿಡಗಳ ಬುಡಕ್ಕೆ ಸುರಿಯುವುದು): 100 gm ವ್ಯಾಮ್ ಎಸ್‌ಪಿ ಅನ್ನು 150-200L ನೀರಿನಲ್ಲಿ ಕರಗಿಸಿ 1 ಎಕರೆ ಪ್ರದೇಶದಲ್ಲಿ ಬಳಸಿ. ಈ ದ್ರಾವಣವನ್ನು ಸಿಂಪಡಣಾ ಯಂತ್ರ (ಸ್ಪ್ರೇಯರ್) ಮೂಲಕ ಬೇರು ಪ್ರದೇಶದ ಸುತ್ತ ಉಪಚರಿಸಿ.
• ಹನಿ ನೀರಾವರಿ: ಇದೇ ದ್ರಾವಣವನ್ನು ಫೀಡರ್ ಟ್ಯಾಂಕ್ ಮೂಲಕ ಹನಿ ನೀರಾವರಿ ವ್ಯವಸ್ಥೆಯಲ್ಲಿ 1 ಎಕರೆ ಪ್ರದೇಶದಲ್ಲಿ ಬಳಸಿ.

ಯಾವಾಗ ಬಳಸಬಾರದು:

* ಹೆಚ್ಚು ಫಾಸ್ಫರಸ್ (ರಂಜಕ) ಹೊಂದಿರುವ ಗೊಬ್ಬರಗಳು ಈಗಾಗಲೇ ಬಳಸಿದ್ದಲ್ಲಿ

* ಜಮೀನಿನಲ್ಲಿ ನೀರು ನಿಂತಿದ್ದಲ್ಲಿ

* ಬೇರು ಪ್ರದೇಶದ ಬಳಿ ಬಲವಾದ ಶಿಲೀಂಧ್ರನಾಶಕಗಳನ್ನು ಬಳಸಿದ್ದಲ್ಲಿ

ತಪಸ್ ವ್ಯಾಮ್ ಎಸ್‌ಪಿ ಅನ್ನು ಏಕೆ ಆಯ್ಕೆ ಮಾಡಬೇಕು?

* ವ್ಯಾಮ್ ಎಸ್‌ಪಿ ಮಣ್ಣು ಮತ್ತು ಬೇರುಗಳ ಆರೋಗ್ಯವನ್ನು ಸುಧಾರಿಸಿ, ಫಾಸ್ಫರಸ್ ಅವಶ್ಯಕತೆಯನ್ನು 25–30% ರಷ್ಟು ಕಡಿಮೆ ಮಾಡುತ್ತದೆ

* ಬರ ಪರಿಸ್ಥಿತಿಗಳಲ್ಲಿ ಸಸ್ಯಗಳ ಪ್ರತಿರೋಧ ಶಕ್ತಿಯನ್ನು ಹೆಚ್ಚಿಸಿ, ಒಟ್ಟು ಬೆಳವಣಿಗೆ ಮತ್ತು ಉತ್ಪಾದನೆಯನ್ನು ಸುಧಾರಿಸುತ್ತದೆ

* ಬೇರು ಹಾಗೂ ಮಣ್ಣಿನಿಂದ ಹರಡುವ ರೋಗಗಳಿಂದ ಸಸ್ಯಗಳನ್ನು ರಕ್ಷಿಸುತ್ತದೆ

* ಮಣ್ಣಿನ ಚಟುವಟಿಕೆಯನ್ನು ಹೆಚ್ಚಿಸಿ, ಮಣ್ಣಿನಲ್ಲಿರುವ ಪೋಷಕಾಂಶಗಳು ಸಸ್ಯಗಳಿಗೆ ಲಭ್ಯವಾಗುವಂತೆ ಮಾಡುತ್ತದೆ

* ಸುಸ್ಥಿರ ಕೃಷಿ ಪದ್ಧತಿಗಳಿಗೆ ಸೂಕ್ತವಾಗಿದೆ

ತಪಸ್ ವ್ಯಾಮ್ ಎಸ್‌ಪಿ ತಜ್ಞರ ಸಲಹೆ:

“ವ್ಯಾಮ್ ಎಸ್‌ಪಿ ಅನ್ನು ವಿವಿಧ ಬೆಳೆ ಹಂತಗಳಲ್ಲಿ ಬಳಸಬಹುದು, ಆದರೆ ನೆಡುವ ಸಮಯದಲ್ಲಿ ಅಥವಾ ಆರಂಭಿಕ ಸಸ್ಯ ಬೆಳವಣಿಗೆ ಹಂತದಲ್ಲಿ ಬಳಸಿದರೆ ಉತ್ತಮ ಫಲಿತಾಂಶ ಸಿಗುತ್ತದೆ” – ಬಿಗ್‌ಹಾಟ್ ಕೃಷಿ ತಜ್ಞ

ಹಕ್ಕು ನಿರಾಕರಣೆ: ಈ ಮಾಹಿತಿ ಕೇವಲ ಉಲ್ಲೇಖಕ್ಕಾಗಿ ನೀಡಲಾಗಿದೆ. ಉತ್ಪನ್ನದ ಲೇಬಲ್ ಮತ್ತು ಕರಪತ್ರದಲ್ಲಿ ನೀಡಿರುವ ಶಿಫಾರಸು ಮಾಡಿದ ಬಳಕೆ ಮಾರ್ಗಸೂಚಿಗಳನ್ನು ಯಾವಾಗಲೂ ಅನುಸರಿಸಿ. ವ್ಯಾಮ್ ಎಸ್‌ಪಿ ಅನ್ನು ರಾಸಾಯನಿಕ ಶಿಲೀಂಧ್ರನಾಶಕಗಳೊಂದಿಗೆ ಮಿಶ್ರಣ ಮಾಡಬೇಡಿ. ಉತ್ಪನ್ನವನ್ನು ಬಿಸಿಲಿನಿಂದ ದೂರ, ಕೊಠಡಿಯ ತಾಪಮಾನದಲ್ಲಿ ಸಂಗ್ರಹಿಸಿ.